🌞🌞🌹💐🌹🌞🌞
*નિત્ય પ્રભાતે ઉગમણી દિશાએ ઉદય પામતા સૂર્યદેવના વારણાં લેતા લેતા, ભૂજાઓ અને મસ્તક લડાવતા લડાવતા ચારણો એની કાલી મીઠી વાણીમાં દુહાથી સૂર્યદેવને આરાધે છે*
🌞 *સૂર્યસ્તવન* 🌞
*દુહા*
ભલેં ઊગ્યા ભાણ,
ભાણ તુંહારાં લઉ ભામણાં;
મરણ જીયણ લગ માણ,
રાખો કાશપરાઉત!
કાશપ જેહડો ન કોય,
( જેને ) દણીઅલ જેહડા દીકરા,
લખદળ ભાંગે લોય,
ઊગે ને અંજવાળા કરે.
ઊગેવું અચૂક,
ઊગ્યા નું આળસ નહીં,
ચળુ ન પડે ચૂક,
કમણે કાશપરાઉત !
તેજ-પંજર, તિમ્મર-ટળણ,
ભયા કાશપકુળ ભાણ,
અમલાં વેળા આપને,
રંગ હો સૂરજરાણ!
સામસામા ભડ આફળે,
ભાંગે કેતારા ભ્રમ્મ,
તણ વેળા કાશપ તણા,
( તમે ) સૂરજ રાખો શરમ્મ.
તારાં અજવાળા તણો,
મે'મા કાંઉ મારાજ,
અયણું ચારણ આજ,
કીં રે ' કાશપરાઉત!
સૂરજથી ધન સાંપડે,
સૂરજથી ધણ્ય હોય,
સૂરજ કેરે સમરણે,
દોખી ન લંજે કોય.
સૂરજ ને શેષનાગ,
બેય ત્રોવડ કે'વાય
એકે ધરતી સર ધરી,
એકે ઊગ્યે વાણું વાય.
કે ' દાદર કે ' ડાકલાં
કે પુજે પાખાણ,
રાત નવ ભાંગે રાણ,
કમણેં કાશપરાઉત!
સૂરજ પ્રત્યક્ષ દેવ હે,
નર વંદે પખાણ,
ઇસર કે ઉમૈયા સૂણો,
એતા લોક અજાણ.
*સૌરાષ્ટ્રની રસધારમાંથી*
*સંકલન :- ભગવતદાન ગઢવી*
ટિપ્પણીઓ
ટિપ્પણી પોસ્ટ કરો