બ્લુચિસ્તાનમાં આવેલ શક્તિપીઠ
હિંગલાજમાતાજી
ચંદુભા જાડેજાએ લખેલી રચના જેમાં આખી યાત્રા નું વર્ણન કરેલ છે...*
હિંગલાજ હાજરા હજુર, માજી તમે બેઠા મકરાણ માં.....
દેવી નાં ડુંગરાઓ દુર, માજી તમે બેઠા મકરાણ માં.....
* ઉજ્જડ અરણ્યનાં દુઃખો વેઠાયના,
પંથ વિકટ નો પાર પમાયના,
રસ્તામાં પ્રાણી ઓ ક્રુંર, માજી તમે બેઠા મકરણ માં.....
* ખાનપાન સાહિત્ય લેવું સંગાથમાં,
મૈયા ને ભેટવા વસવું જમાત માં
અતિશય ઊડતી ધૂળ, માજી તમે બેઠા મકરાણ માં.....
* રહેવા રાત નથી વિશ્રાંતિગૃહ જયાં,
ઊંઘને આરામની વાત પછી હોય ક્યાં
કરવી ચિંતાઓને ચૂર માજી તમે બેઠા મકરાણ માં....
* આગવાના આદ્દેશે આગળ વધવું,
ધીમેથી રેતીના પહાડો પર ચડવું,
સ્થુળ તણાં તેજ ઘટે નૂર, માજી તમે બેઠા મકરાણમ માં...
* ચંદ્રકુટ ચઢવું ચાલાકી નું કામ છે,
અવિનાશી નું ત્યાં અદ્ભુત ધામ છે.
ઉછળે વિભુતીના પુર, માજી તમે બેઠા મકરાણ માં....
* પાપ-પરિતાપ ચંદ્રકુટને ચઢાવવા,
આઈને પીરસવા આદેશ માંગવા,
મારગમાં કોની મગદૂર, માજી તમે બેઠા મકરાણ માં.....
* ઘોર તજી અઘોરે સ્નાન જ કીધા,
બાંધવ ને બેનડીના બિરૂદ ત્યાં લીધા
ઘોર મહીં ફૂટ્યાં અંકૂર, માજી તમે બેઠા મકરાણ માં.....
* દુરથી માનો ડુંગર દેવળ ભાસે
જેમ જેમ ભેટીએ પાપ-પૂજ નાસે,
સ્વયં ચઢેલું સિંદૂર,માજી તમે બેઠા મકરાણ માં......
*દીઠા ડુંગર દુઃખ નાઠા જમાતના,
દર્શન આપોને આઈ ભાવિકોને રાતના
કાપવા કુ:વાસનાના મૂળ, માજી તમે બેઠા મકરાણમાં....
* નીર અનિલનો અંત ન આવે,
સુંદર સુવાસ પુષ્પ ખીલ્યાની આવે
અનીલ કુંડ અદ્ભુત, માજી તમે બેઠા મકરાણમાં....
*સ્નાન ધ્યાન પાઠ પુજાથી પરવારી, આઈ ને પીરસવા કરવી તૈયારી
ભાવ ધરી ને ભરપુર,માજી તમે બેઠા મકરાણમાં...
* સંતો એ નામ જેનું રાખ્યું સરણવારી, સંતો સંઘાથ સરણ સ્વીકારી
ગામ તણા દુઃખ કર્યા દુર, માજી તમે બેઠા મકરાણમાં.....
* ઉપરથી નીરજને પર્વત ની પોલ માં, બેઠા હિંગોળ એવા અલૌકિક સ્થાનમાં
નિત્ય આવે ભક્તો નો પુર, માજી તમે બેઠા મકરાણમાં........
* રુદ્ર રૂપશક્તિ મહાકાળી વિરાજતા, તાંત્રિકો આવી માને બલી ચડાવતા
થાય મદ્યપાન માં ચકચુર, માજી તમે બેઠા મકરાણમાં......
* સામે સન્મુખ આઈ બેઠા આશાપુરી, "ચંદુ"ચરણરજ માની સીરે ધરી,
ગાઓ હિંગલાજ માના ગુણ, માજી તમે બેઠા મકરાણમાં.....
હિંગલાજ હાજરા હજૂર, માજી તમે બેઠા મકરણમાં......
ટિપ્પણીઓ
ટિપ્પણી પોસ્ટ કરો